GV 2009
Bericht 2008 des Jungschützenleiters
Am 19. März ha i wie gwohnt, mit em ne Theorieobe im Schützehuus dr Jungschützekurs 2008 chönne a vo. I ha a däm Obe acht Jungschütze, dervo eis Meitli und zwe Jugendlechi dörfe begrüesse. Am 5. April hei mir de z’ erschte mou gschosse mit mir meini dr Siegenthaler Thomas und i. Är het mir z`ganze Johr aus Hiufsleiter tatchräftig ghufe.
Mir hei de wie au Johr öbe s gliche mitne gschosse, mir hei bir Bärnergruppemeischterschaft mitghufe, dr Fäudschlösslistich u d`Vorüebig Fäudschiesse het natürlech o nid dörfe fähle.
Bim Fäudschlösslistich hei föif mit äm ne Kranz chönne uszeichnet wärde, die beschte Resultat si:
Häni Matthias 62 P L`Heureux Christian 60 P u dr Beck Dominique 59 P .
Am Samschtig 24. Mai simer de uf Büetige as Fäudschiesse und o dört hei wider föif dr Kranz use gschosse am beschte isch dört üses Meitli d Frei Annina gsi was de natürlech d Giele chlei gwurmet het. Sie isch mit 62 P vorem Häni Matthias mit 61 P u L`Heureux Christian und Ruch Florian mit je 57 P i klassiert worde. Dene Kranz Gwinner härzlechi Gratulation.
Am 11. u 14. Juni hei mir de bi üs z Diessbach z`Jungschützewettschiesse vom Amt Büre chönne dürefüere. A dere Steu möcht i aune wo mir ghufe hei dä Alass so ribigslos dürezfüere no viu mou merci säge. Äs isch eifach schön weme weiss, dases im Verein Lüt het wo eim Tatchräftig ungerstützte wenn s Not an Mann isch .
Zu de Resultat, dört heimer nid so chönne mithaute, äs hei zwar sächs dr Kranz chönne entgäge nä aber s het eifach glich nid ganz wöue länge. Die beschte Jungschütze vo Diessbach si mit 53 P dr Schwammberger Adrian und dr Gerber Stephan, mit 50 P dr Beck Dominique und dr Ruch Florian. Üse Junior dr Schädeli Fabian het bi de beschte Acht Juniore vom Amt chönne mithaute u sech somit mit 48 P d Teilnahm am Seeländische ds Riedbach chönne sichere, härzlechi Gratulation.
Am 28. Juni hei mr de d Vorrundi vom KADI-CUP bi üs düregfüert, und wie au Johr das ganze mit em ne Bier und Zimis no chlei umrandet. Was wär ä KADI-CUP ohni Prise?
A dere Steu möchte i am Flückiger Peter viu mau merci säge är het us ou hürr wider dr neu Wanderpris und drei Zinnbächer gsponseret Peter merci viu mou.
S Obligatorische hei mr de am 13. August gschosse u de isch am 6. September scho dr Seeländisch Jungschützetag vor dr Tür gstange. I bi de mit em L`Heureux Christian, Schwammberber Adrian, Häni Matthias und usem Junior em Schädeli Fabian uf Riedbach gfahre. A däm Jungschützeträffe hei 75 Jungschütze u 42 Juniore chönne Teil nä. Mir vo Diessbach si uf fougende Räng klassiert worde. Rang 33. Schwamberger Adrian, Rang 39. L`Heureux Christian, und Rang 53. Häni Matthias. Üse Junior dr Schädeli Fabian het sech ufe Rang 29. platziert. Dir gseht auso o d Jungschütze hei äs Termin Problem gha wüu chum de heim z Diessbach a cho simer bi üs am Amtsträffe im i Satz gstange.
Am 13. September hei mir üs de z Kappelle mit em ne chline Vorsprung i D Rückrundi vom KADI-Cup chönne begä. Äs isch nid schlächt gloffe u mir hei dä Vorsprung no chlei chönne usboue. Diessbach Gwinnt dr KADI-Cup 2008 mit 392 Punkt mitemne Schnitt vo 98 Punkt Kappelen het 375 Punkt und ä schnitt vo 93.75 erziut .
Bir Einzuranglischte isch ufem erschte Rang dr Häni Matthias mit 110 P ufem zwöite ä Kappeler dr Kräuchi Matthias mit 103 P und ufem dritte Rang wider ä Diessbacher dr Beck Dominique mit 100 P.
Jetz isch de d Saison scho langsam z` Änd gange äs paar Jungschütze hei o am Usschiesse teilgno was mi natürlech gfröit het.
Am 15. Oktober hei mir de bim Kessler Ueli ir Wärchstatt no Gwehr putzt bevor mir de am 18. Oktober im Schützehuus dr Jungschützeschlussobe hei düre gfüert.
Mir hei o hür wider ä Jungschütze-Meischterschaft gschosse u natürlech ou ä Rangverküngigung düregfüert. Aber dasme ä Rangverkündigung cha dürefüere bruchts nätürlech ou gäng Prise wo müesse kouft wärde. Wesech vo hie inne öber a gschproche füeut u d Jungschütze chlei wett ungerstütze währ des natürlech sehr schön.
Zrugg zur Ranglischte ufem 1. Rang isch dr Häni Matthias mit 310 P gsi ufem 2. Rang dr Schwammberger Adrian mit 294 P und ufem 3. Rang dr L`Heureux Christian mit 283 P. Bi üsne zwe Juniore isch dr Schädeli Fabian ufem 6. Rang 278 P und dr Frei Silvan ufem 10. Rang mit 257 P gsi.
Jetz chumi langsam zum Schluss i wett no mou aune Merci säge wo mir uf irgend ä Art ghuufe hei sigs am Jungschützewettschiesse am Ueli das mir gäng zu ihm a d wermi dörfe go Gwehr putze, am Flückiger Peter für d Spänd vo de Prise am Helmut das är us gäng bewirdet, mire Frou dr Barbara das si am Schlussobe gäng so feini Dessert macht u mr jewils ä dene Jungschütze a Läss hiuft zwägmache und verrume aber ou am Siegetaler Thomas für sini Ungerstützig im Kurs no mo aune merci viu mou.
Jetz wünsche i aune im Johr 2009 Guet Schuss u Gueti Gsundheit
Dr Jungschützeleiter
